Glaxy S4 Firest Copy الموجود بمصر

السلام عليكم 

كالعادة نزلت اخد جولة فى المحلات اللى عندنا هنا باشهر شوارع الموبيلات ، وكان هدفى هذه المرة هو الأس فور الكوبى 

دخلت عدة محلات بغرض الوهم انى داخل اشترى طبعا عشان افند واشوف واقيم ، وكانت لى نيه والله ان لو طلع فى جهاز ذى اللى فى دماغى حشتريه على طول ، المهم // كانت اسعار الموبيلات الأس فور الموجودة فى المحلات تتراح بين سعر 600 جنية الى 1450 جنية ، طبعا ابو 600 ده يتركن على جنب لأنى مبعتبروش تلفون ، انا بقيم اكثر اللى قريب جدا من الأصلى ، وكانت النتيجة اختبارى 6 اجهزة ب 6 محلات ، وكلهم فشلوا للأسف فى الأختبارات اللى بعملها ، لأنى فى الأصل رايح اشترى حاجحة بمعالج رباعى حقيقى مش مزيف..  ، وطبعا لو حتشغل اى تلفون ولنكن نقول احسنهم من اللى شفته واللى هو بمعالج 6577 mtk حنلاقى ان المعالج ده ثناءى النواة او ما يسمى Dual Core  وده بتردد 1.2 ميجا هرتز. ، والافت للنظر ايضا ان فى اجهزة كانت رامتها 1 جيجا و فى رامتها 2 جيجا.. ، اما الكميرا فى كل الموديلات المودجودة بمصر فحدث ولا حرج عند الأختبار هى من 3 ميجا بيسكل الى.4 فقط لا اكثر بقيسها ببرامج الهاردوير ،  اما الذاكرة الداخلية Nand Flash فمؤسفة وهى 2 جيجا بايت . ، وايضا اغلب الأجهزة ديه كانت السنسوات شغالة فيها مثل العين والحركة والقراية ... الخ وديه مش مشكلة.

واستغربت من اسعار تجارنا الخيالية المستغلة كالعادة اللى بيوصوا الجهاز الى 1450 جنية !!!!!! طب ليه وبامارة ايه 

لا تستغربوا يا سادة ان قلت لكم ان الصين بتبيع الأس فور الكوبى او الفرست ذى ما بنسميه ابو معالج رباعى حقيقى mtk 6582 ب 110 $  فقط وايضا بتبيع منه بمعالجات اعلى وديه مش موجوده فى مصر طراز mtk6589  ب 150$ بكل السنسور شغالة ايضا.......  ، طب نيجى بقى لنقطة مهمة  // انا حفرض ان بعض من تجارنا صحى ضميره وقرر انه يجيب النوع الرباعى الحقيقى ده ويبيعه طب حنعرفة ازاى ؟؟؟؟؟؟؟؟؟

- بسيطة ذى ما قلت لحضراتكم حتخدوا معاكم على الميورى برنامج z cpu وتسطبوه على التلفون المراد انكم تشتروه

وتشوفوا كم نواه قارية وشغالة وكم نواه stop  ،" ملاحظة يمكنكم الرجوع لموضوع تقييم النوت 3 بنفس ذلك الموقع " 

وايضا تخشوا على صفحة الستتم فى برنامج z cpu وتشوفوا موديل البرسسور كام !!!! واظنى ايضا قدمت شرح وافى على النوت 3 لمعرفة كيفية الكشف ومعرفة كيف نعرف المعالج الرباعى من الأحادى من الثناءى ، واوعو تعتمدوا على برنامج الأنتتوا ابدا لأن كل نتايجة مزورة ومضلله ، فقط اعتمدا على z cpu ، اتمنى انى اكون افدتكم بجد ، وياليت متسمحوش لحد يستغلكم ويبعلكم التلفون اللى جيبه ب 1000 جنية او اقل ب 2000 او 3000 وانتم حرين وعقلكم فى رسكم وانا بديلكم بداية الطريق واللى عاوز يستفسر ممكن يبعتلى ايميل وانا اقوله تدفع فيه كام وايه افضل الأنواع 

ملاحظة : انا مش تاجر لكنى متخصص تقييم وهوايتى مبرمج ، وفى الأصل موظف باحد البنوك

اشكركم  / اخوكم احمد البنا 

bna1998@hotmail.com

دورنا محاربة الأستغلال قدر الأمكان وابراز اسعار السلع الأصلية عشان نقدر نقلل من الأستغلال والفساد المنتشر عندنا قدر الأمكان

معلومات مهمة عن بطارية جهازك Lithium-ion

سلام اخواني من فترة طويلة وددت تقديم معلومات عن البطاريات الحديثة الموجودة في اغلب الاجهزة وهي ما تسمى Lithium-ion

ما هي بطارية الLithium-ion

بطارية لا تحتاج لصيانة - ولا يوجد بها ذاكرة ولذا لا تحتاج لتدوير مجدول لاطالة عمرها - والبطارية تفرغ نفسها (ان بقيت من غير استخدام) بنسبة ضئيلة مقارنة مع البطارية الاقدم nickel-cadmium مما يجعلها الخيار الافضل للاستخدام في الاجهزة المحمولة.
النسخة النهائية من البطارية لم تصلنا للان لانها مازالت في طور البحث والتطوير بحيث ماتزال البطارية تخضع لتجارب وضع مزيج متنوع من المعادن والمواد الكيماوية للحصول على بطارية تعطي عمرا اطول للاستخدام
شحن البطارية

على عكس البطاريات الاقدم nickel-cadmium فان بطارية Lithium-ion لا تحتاج الى 8 ساعات شحن قبل استخدامها لاول مرة وشحنها اول مرة لا يختلف عن شحنها حتى بعد فترة طويلة من الاستخدام وتحتاج الى 4.20 volts لكل خلية
ومن المهم معرفة ان البطارية يقدر عمرها مابين 300-500 دورة افراغ كامل وشحن كامل - ولذا شحن البطارية قبل ان تفرغ يزيد من عمرها والعكس صحيح (اي جعلها تفرغ تماما ثم تعيد شحنها)

ومما يؤثر على عمر البطارية هو استخدام طاقة اعلى (مثلا في الاماكن التى يكون مصدر الطاقة بها متذبذب)
ولاطالة عمر البطارية المعلومات التالية مهمة للمعرفة:

1 من المهم مراعات الفترة الزمنية التي يبقها بها الجهاز مربوط بمصدر الشحن (كلما قل كلما كان افضل) وبالتالي الشحن من شاحن الكهرباء افضل من شاحن الكومبيوتر والسيارة
والسبب اطالة ابقاء خاليا البطارية على طاقة 4.20 volts سيسبب صدأ للخليا خصوصا في درجات الحرارة المرتفعة

2 لا تفرغ البطارية - وقم بشحنها دوما
3 لا تشحن البطارية في الاجواء الباردة (التجمد - وهو ليس الحال عندنا)

القاعدة الذهبية: شحن البطارية قبل ان تفرغ يزيد من عمرها

منقول للأفادة من موقع الكمبيوتر الكفى

موضوع خطير قبل ما تشترى موبايل صينى (( الموت المفاجىء))

الموضوع هام جداااااا بخصوص الموت المفاجى 
واكتشفت انه اكتر موبيلات مصر فيها موضوع الموت المفاجى 
ومعرفتها سهلة جدااااااااااااااا

* هتنزل برنامج اسمه

eMMC Brickbug Check
ودة الرابط بتاعه 

** ولو كتبللك

no.sane chip.

يبقى جهازك اتنقذ والحمد لله عدى ومش معرض للموت باية لحظة

ذى الصورة ديه كده متخدة من نوت 2 صينى 

* اما لو كتبلك

YES. IN SANE CHIP

ماتتدفعش فيه فلوس لانه عاجلا ام اجلا هيجيلة الموت المفاجى
ذى الجهاز ده كده 

** وربنا يكفينا شر مافية تجار الموبيلات اللى مش عتقانى عشان اقلل كلامى .
منقول مع التعديل من اخوكم احمد البنا

سمسونج جلاكسى نوت3 هاى كوبى او الفرست كوبى- Glaxy Note3 high copy . تحليل شبه شامل.

نزلت بالأمس شارع شاكور ومركز انى اشترى نوت 3 هاى كوبى ،، اصلى بقيت متخصص فى شراء الأنواع الكويسه منهم ، المهم زرت حوالى 4 محال
اسعار النوت 3 فيهم تتراوح بين 1200 الى 1750 جنية
طبعا انا واخد معايا ميمورى كارت فيها cpu z ومجهز حالى لو لقيت اللى فى دماغى حشترى على طول، واليكم النتيجة والمفاجأة اللى صدمتنى
جميع الأجهزة اللى شفها متقاربة تقريبا الأختلاف بيكون فى الغالب فى الرمات ، ولكن للأسف اكثر ما صدمنى هو ان كل الأجهزة اللى عاينتها كانت من نوعية المعالج الثناءى Dual core وبموديل برسسور قديم جدا mtk6573 وهو اللى صدمنى ، حيث ان اسعار هذه الأجهزة اللى بتشتغل بنوعية البرسسور ده لا تتعدى 70$ ، ايضا فى الأوبشن كانت فى اجهزر فيها كل السنسور مثل العين والحركة والسكرول كانت شغالة وكانت اسعارها من 1400 جنية ايضا وكمان الأجهزة كلها استامبة واحدة 2 جيجا فقط مساحة داخلية وده سبب من ضمن رخص ثمنها طبعا الناس اللى مش فهمة او النصابين يقولولك ممكن تزود المساحة لحد 32 جيجا وهى فعلا ممكن تزيد بس حيبقى اسمها مساحة خارجية ملهاش علاقة باللداخلية لأنها بشريحة ميمورى منفصل يعن مينفعش تسطب عليها لا برامج ولا العاب عشان نظام الأندرويد بيسطب البرامج والألعاب على المساحة الداخلية للتلفون فقط .، اما كميرا الهاتف فحدث ولا حرج 3 ميجا بيكسل بس بمساحة طول وعرض كبيرين لكن طبعا برامج مثل الأنتتو تقرأها 10 و 12 ميجا بيكسل بالنصب ، وايضا تصوير الفديو 640*480 وليس له علاقة ب HD ، للأسف ان هناك مواقع كثيرة على الفيس واليوتيوب موصله سعر الجهاز ده الى 2500 جنية وكله بينصب على المستخدم اللى مش فاهم والمستخدم ذى الطربش بينضحك عليه ، وبيتقاله ده معالج رباعى والتلفون ميفرقش عن الأصلى وكله من كلام الكذب هذا ، انا بحط شهادتى ديه خدمة مجانية للى بيفكر يشترى نوت3 هاى كوبى او فرست كوبى انه ياخد معاه برنامج z cpu على ميمورى ويجرب انت حتدفع مبلغ كبير وده حقك ولو لقت ان البرنامج كاتبلك نواتين للبرسسور مشابة للصورة اللى عارضهلكم اذا المعالج ده ثناءى Dual Core متدفعش فيه اكثر من 800 جنية برأيى ،،، وحتى كمان لو لقيت مكتوب Core = 4 ولقيت نواه واحدة "core" شغالة يبقى ده احادى وهو اسوأ ، اما لو لقيتم ان ال 4 نواه شغالين او الأثنين الأولانين شغالين والثالث stop والرابع شغال فده يبقى معالج رباعى مرفق صورة للتوضيح ساعتها اشترى وادفع فيه حسب موديله من اول 1600 جنية الى 2000 جنية ، اتمنى اكون افدتكم حتى لا تقعول فى براثن الغشاشين

iphone 5s china high or first copy

الأيفون فايف iphone 5s china الصينى ومضيعة الفلوس وانعدام الضمير لدى المستوردين (( تحليل لوجه الله ))

النهاردة حنحلل ان شاء الله التلفونات اللى بيستوردها التجار بتوعنا المصريين من الصين واللى بيسموها فرست كوبى وهاى كوبى والنهاردة حنحلل على السريع
iPhone 5s made in china

- اولا برسسور ثناءى النواه 1.2 من عينة mtk6577 وده برسسور قديم وبطى للأسف ولا يقارن بالأصلى ذو النواه الرباعية ، على فكرة الصين عندها برسسرات اسرع فى هواتف تنية انظف نفس النوعية من نوع mtk 6589 ذو المعالجات الرباعية ، بس مستوردينا مبيجبوش النوعيات ديه عشان يكسبوا اكثر بيجبولنا الحجات القديمة اللى مبتزدش فى سعرها عن 600 جنية وبتتباع عندنا من اول 1200 جنية الى 2500 شفتم فرق المكسب ، فلازم تكون فاهم يا مستهلك ياللى بتشترى ومتشتريش عن جهل وتسمع كلام الدعاية الكاذل اللى يقولك نفس الأصلى بالضبط .
- يعمل بنظام الأندرويد بعكس الأصلى اللى بيعمل بنظام ios
- راماته اقل من رامات الأصلى مما يعن البطى فى تحريك القواءم
- الميورى الأنترنال بتاعة اقل من من الأصلى مما يعن مساحة تخزينية اقل
- الكثافة النقظية فى جودة بكسل الصورة اقل من الأصلى بكثير
- هذا الهاتف لا يمكنه التعامل مع الجيل الرابع
- الكميرا الأمامية والخلية لا تقارن بالأصلى لا من قريب ولا بعيد صراحة واللى جرب حيعرف
- البطارية لا تقعد طويلا مثل الأصلى لأن قوة الأمبير بتاعها اقل ولا تأخذوا الكلام اللى مكتوب على التلفون فالصين تخصص كذب وعن تجربة .
- لازم تكون فاهم يا مستخدم قبل ما تشترى واول جاجة تبص على نوعية البروسسور والرامات وياحبذا لو خذت ميمورى كارد وانت بتشترى ونزلت عليه برنامج cpu z عشان ده الوحيد اللى بيكشف الهادوير صح ، اما الأنتتو بنش مارك فده كل نتايجة غش والصين عرفت تضحك عليه .

- تقييمى النهاءى لسعرة حسب التلفونات اللى ليها نفس البرسسرات هنا هو ان التلفون سعره المفروض لا يتعدى 700 جنية ، لكن طبعا تجارنا المفتحين بيبعوه دلوقتى ب 1500 جنية فاحزروا ومحدش يشترى لحد ما يعدلوا اسعارهم .

** كلمة اخيرة انا لست بتاجر ورفضت اسوق من قبل لدى شركة فأنا خصصت نفسى لتحليل المنتجات ديه عشان فيها غش كثير ولأن الصين عندها حجات احسن واسرع وباقل من الأسعار اللى فىمصر اللى مخترعها تجارنا ، لكن اللى بيستورد للأسف جايب القديم وبيبيعوا باسعار فلكية هنا .